سعودی عرب کی صومالیہ کے صدر ڈاکٹر حسن شیخ محمود کے قافلے پر حملے کی مذمت

جمعرات 20 مارچ 2025 08:50

ریاض (اُردو پوائنٹ اخبارتازہ ترین - اے پی پی۔ 20 مارچ2025ء) سعودی عرب نے صومالیہ کے صدر ڈاکٹر حسن شیخ محمود کے قافلے پر حملے کی شدید الفاظ میں مذمت کی ہے۔

(جاری ہے)

ایس پی اے کے مطابق وزارت خارجہ نے جاری اعلامیہ میں صومالیہ کی حکومت اور عوام کے ساتھ مکمل یکجہتی کا اعلان کیا ہے۔سعودی وزارت خارجہ نے کہا ہے کہ ہم دہشت گردی اور انتہا پسندی کی ہر شکل و صورت کو مسترد کرتے ہیں۔ملک میں امن و امان قائم کرنے اور استحکام لانے کے لیے ہم صومالیہ کی حکومت کے تمام اقدامات کی حمایت کرتے ہیں۔