بھارتی بورڈ کا آئی پی ایل میں اہم پابندی ہٹانے پر غور

بی سی سی آئی کا 22 مارچ سے شروع ہونے والے آئی پی ایل سیزن میں گیند پر تھوک لگانے پر عائد پابندی کو ہٹانے پر غور

ذیشان مہتاب جمعرات 20 مارچ 2025 10:48

بھارتی بورڈ کا آئی پی ایل میں اہم پابندی ہٹانے پر غور

ممبئی (اردو پوائنٹ تازہ ترین اخبار ۔ 20 مارچ 2025ء ) بی سی سی آئی 22 مارچ سے شروع ہونے والے آئی پی ایل سیزن میں گیند پر تھوک لگانے پر عائد پابندی کو ہٹانے پر غور کررہا ہے۔

بورڈ آف کنٹرول فار کرکٹ ان انڈیا (بی سی سی آئی) 22 مارچ سے شروع ہونے والے انڈین پریمیئر لیگ (آئی پی ایل) سیزن کے دوران گیند پر تھوک لگانے پر عائد پابندی کو ہٹانے پر غور کر رہا ہے۔

(جاری ہے)

میڈیا رپورٹس کے مطابق اس تجویز پر بی سی سی آئی کے اندر بڑے پیمانے پر تبادلہ خیال کیا گیا اور جمعرات کو ممبئی میں ہونے والے اجلاس کے دوران آئی پی ایل میں شریک تمام ٹیموں کے کپتانوں کو یہ تجویز پیش کی جائے گی۔

یہ امر قابل ذکر ہے کہ انٹرنیشنل کرکٹ کونسل (آئی سی سی) نے ابتدائی طور پر کووڈ 19 کےدوران احتیاطی اقدام کے طور پر میچ میں گیند کو چمکانے کے لیے تھوک لگانے کی پرانی مشق پر پابندی عائد کردی تھی۔