مونٹی کارلو ماسٹرز ٹینس ٹورنامنٹ 6اپریل سے مناکو میں شروع ہوگا

جمعرات 20 مارچ 2025 22:54

مونٹی کارلو(اُردو پوائنٹ اخبارتازہ ترین - آن لائن۔ 20 مارچ2025ء) مونٹی کارلو ماسٹرز ٹینس ٹورنامنٹ 6 اپریل سیمناکو میں شروع ہوگا۔ ٹورنامنٹ کے کامیاب انعقاد کے لئے تیاریاں عروج پر ہیں۔ یہ مونٹی کارلو ماسٹرز ٹینس کا 118 واں ایڈیشن ہوگا جو مونٹی کارلو کنٹری کلب میں کھیلا جائے گا۔ٹورنامنٹ کلے کورٹ پر کھیلا جائے گا جس میں دنیائے ٹینس کے نامور کھلاڑی ٹائٹل کے حصول کے لئے پنجہ آزمائی کریں گے۔

(جاری ہے)

اے ٹی پی ٹینس ایونٹ میں مینز سنگلز اور مینز ڈبلز مقابلے ہوں گے۔ٹورنامنٹ میں مردوں کے سنگلز مقابلو ں میں یونانی نامور ٹینس کھلاڑی سٹیفانوس اپنے اعزاز کا دفاع کریں گے جبکہ ڈبلز مقابلوں میں سینڈر گیلی اور ان کے ہم وطن جوڑی دار جوران ولگین پر مشتمل بیلجیئم کی جوڑی اپنے اعزاز کے دفاع کے لئے پنجہ آزمائی کرے گی۔ ٹورنامنٹ 6 اپریل سے شروع ہوکر 13 اپریل کو اختتام پذیر ہوگا۔