سکھر میونسپل کارپوریشن کے ملازمین سندھ بینک انتظامیہ کی ہٹ دھرمی سے عید ایڈونس تنخواہ سے محروم رہ گئے

ہفتہ 22 مارچ 2025 20:20

کراچی (اُردو پوائنٹ اخبارتازہ ترین - این این آئی۔ 22 مارچ2025ء) سکھر میونسپل کارپوریشن کے ملازمین کی حکومت سندھ کی جانب سے عیدالفطر سے قبل تنخواہوں کی ادائیگی کے اوذیڈ ٹی کے اجرا پرمحنت کش اسٹاف یونین کے عہدیداروں جنرل سیکریٹری علی مردان شیخ، رہنمائوں شاہد جتوئی،دانش قریشی،حامد انصاری، جمال مالک،سلیم اعوان نے مئیر سکھر بیرسٹر ارسلان اسلام الدین شیخکا شکریہ اداکرتے ہوئے اپنے اخباری بیان میں کہا ہے کہ میونسپل کارپوریشن سکھر کے تمام ملازمین کی تنخواہوں اور پنشنروں کے چیکس سندھ بینک میں گزشتہ روز جمع کروادئیے تھے۔

سندھ بینک کی شالیمار برانچ کی انتظامیہ اپنی من مانی کے تحت اور اپنے مخصوص مقاصد کے حصول کے لیے ملازمین کو تنخواہیں کی ادائیگی نہیں کر رہے ہیں۔

(جاری ہے)

جس سے سکھر میونسپل کارپوریشن کے ملازمین شدید ذہنی اذیت کا شکار ہوگئے ہیں۔ سندھ حکومت کی جانب سے تمام سرکاری ملازمین کوعید کی ایڈونس تنخواہ کی ادائیگی21 مارچ سے پہلے ہوجانی چاہیے ہیں۔ کیونکہ 22 مارچ سے اعتکاف پر ملازمین کی اکثریت مساجد میں بیٹھ جاتی ہے۔

اور 21 رمضان یوم شہادت حضرت علی ع ہے اس موقع پر نذر نیاز کا بھی اہتمام کیا جاتا ہے۔ لیکن سندھ بینک انتظامیہ تنخواہوں کی ادائیگی کی بجائے بینک انتظامیہ انتہاہی غلیظ زبان استعمال کررہی ھے اور غریب ملازمین کوذلیل و خوار کیا جارہا ھے۔ انہوں نے اس سلسلے میں حکام بالا سے اپیل کی ہے کہ سندھ بینک کے انتظامیہ کے خلاف سخت کاروائی کی جائے۔اور تمام ملازمین میونسپل کارپوریشن سکھرکی بروقت تنخواہیں ادا کی جائیں۔