ٹیکسلا پولیس نے سٹریٹ کرائم کی وارداتوں میں ملوث تین ملزمان کو گرفتار کرلیا

اتوار 23 مارچ 2025 16:20

راولپنڈی (اُردو پوائنٹ اخبارتازہ ترین - اے پی پی۔ 23 مارچ2025ء) ٹیکسلا پولیس نے سٹریٹ کرائم کی وارداتوں میں ملوث تین ملزمان کو گرفتار کر کے چھینا گیا موٹر سائیکل، موبائل فون، مسروقہ رقم 51 ہزار روپے اور اسلحہ برآمد کر لیا۔ ترجمان راولپنڈی پولیس کے مطابق گرفتار ملزمان میں حمزہ، حبیب اور بہادر شامل ہیں۔

(جاری ہے)

ملزمان کو متعدد وارداتوں کے انکشاف پر شناخت پریڈ کے لیے جیل منتقل کیا گیا ہے ۔ شناخت پریڈ کے بعد مزید انکشافات متوقع ہیں۔ ایس پی پوٹھوہار طلحہٰ ولی کا کہنا ہے کہ گرفتار ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔ شہریوں کی جان و مال پر حملہ کرنے والے ملزمان قانون کی گرفت سے نہیں بچ سکتے۔