آئندہ 24 گھنٹوں کے دوران ملک کے بیشتر علاقوں میں موسم خشک، میدانی علاقوں میں دن کے اوقات میں گرم رہنے کا امکان

اتوار 23 مارچ 2025 21:10

اسلام آباد (اُردو پوائنٹ اخبارتازہ ترین - اے پی پی۔ 23 مارچ2025ء) آئندہ 24 گھنٹوں کے دوران ملک کے بیشتر علاقوں میں موسم خشک جبکہ میدانی علاقوں میں دن کے اوقات میں گرم رہنے کا امکان ہے۔

(جاری ہے)

تاہم بالائی علاقوں میں مطلع جزوی ابر آلود رہنے کے علاوہ شام/رات کے اوقات میں گلگت بلتستان اور بالائی خیبرپختونخوا میں چند مقامات پر تیز ہواؤں اور گرج چمک کے ساتھ بارش کی توقع ہے۔

محکمہ موسمیات کے مطابق آئندہ دو سے تین روز کے دوران ملک کے میدانی علاقوں میں دن کے درجہ حرارت میں بتدریج اضافے کا امکان ہے۔گذشتہ 24 گھنٹوں کے دوران ملک کے بیشتر علاقوں میں مو سم خشک جبکہ میدانی علاقوں میں گرم رہا۔اتوار کوریکارڈکئے گئے کم سےکم درجہ حرارت: لہہ منفی 06، استور منفی 01،زیارت اورا سکردو میں 01 ڈگری سینٹی گریڈ ریکارڈ کیا گیا ۔