سوشل میڈیا سے دور رہنے میں ہی سکون ہے،اداکااظفر رحمن

شادی اور آپ کے عزیز رشتے بہت نازک ہوتے ہیں، یہ جتنے چھپے رہیں اتنے اچھے رہتے ہیں

پیر 24 مارچ 2025 12:06

سوشل میڈیا سے دور رہنے میں ہی سکون ہے،اداکااظفر رحمن

لاہور (اُردو پوائنٹ اخبارتازہ ترین - این این آئی۔ 24 مارچ2025ء)پاکستان شوبز انڈسٹری کے نامور اداکار اظفر رحمن نے سوشل میڈیا سے دور رہنے کی وجہ پر بات کی ہے۔اداکار نے حال ہی میں نجی ٹی وی چینل کے مارننگ شو میں بطور مہمان شرکت کی، اس موقع پر انہوں نے میزبان اداکارہ ندا یاسر کے دلچسپ سوالات کے جوابات دیے اور مختلف موضوعات پر اپنی رائے کا اظہار کیا۔

شو کے دوران ندا یاسر نے اظفر رحمن سے سوال پوچھتے ہوئے کہا کہ ہم نے سب کی بیگمات دیکھ لی ہیں، آپ نے اپنی بیگم کو چھپا کر رکھا ہوا ہے، ہمیں آپ کی نجی زندگی سے متعلق کچھ بھی معلوم نہیں۔

(جاری ہے)

اس کے جواب میں اداکار نے کہا کہ میرا ماننا ہے کہ جب آپ اپنی نجی زندگی سوشل میڈیا پر لے آتے ہیں تو پھر آپ کی زندگی نجی نہیں رہتی۔اداکار نے کہا کہ میں نے بہت سے لوگوں کو دیکھا ہے کہ وہ سوشل میڈیا پر بہت تصویریں پوسٹ کرتے ہیں اور پھر ان کا رشتہ ٹوٹ جاتا ہے۔

انہوں نے کہا کہ شادی اور آپ کے عزیز رشتے بہت نازک ہوتے ہیں، یہ جتنے چھپے رہیں اتنے اچھے رہتے ہیں۔اظفر رحمن نے بتایا کہ میری اہلیہ کا بھی یہ کہنا تھا کہ انہیں سوشل میڈیا پر متحرک رہنا نہیں پسند، ہم دنیا گھومتے ہیں، تقریبات میں جاتے ہیں مگر سوشل میڈیا پر تصویریں اپ لوڈ کرنے کے دبا سے آزاد ہیں۔