یونیورسٹی آف بلوچستان کوئٹہ کے وائس چانسلر کی زیر صدارت سینڈیکیٹ ہال میں 185ویں ایڈوانسڈ اسٹڈیز اینڈ ریسرچ بورڈ کا اجلاس منعقد ہوا

پیر 24 مارچ 2025 23:00

کوئٹہ (اُردو پوائنٹ اخبارتازہ ترین - اے پی پی۔ 24 مارچ2025ء) یونیورسٹی آف بلوچستان کوئٹہ کے وائس چانسلر پروفیسر ڈاکٹر ظہور احمد بازئی کی زیر صدارت سینڈیکیٹ ہال میں 185ویں ایڈوانسڈ اسٹڈیز اینڈ ریسرچ بورڈ (AS&RB) کا اجلاس منعقد ہوا۔اس اجلاس میں یونیورسٹی آف بلوچستان کے رجسٹرار محمد طارق جوگیزئی، چئیرمین گریجویٹ اسٹڈیز ڈاکٹر قیصر اقبال، تمام ڈینز، ڈائریکٹرز اورایڈوانسڈاسٹڈیز اینڈ ریسرچ بورڈ کے ممبران نے شرکت کی۔

اجلاس میں یونیورسٹی کی تحقیقی اور تعلیمی ترقی کے حوالے سے اہم امور پر تفصیلی تبادلہ خیال کیا گیا۔اجلاس میں نئے تحقیقی منصوبوں کی تجاویز، تعلیمی معیار میں بہتری کی حکمت عملیوں، اور تحقیق میں جدت و معیار کو فروغ دینے کے اقدامات پر غور کیا گیا۔

(جاری ہے)

اس موقع پر ایم ایس، ایم فل اور پی ایچ ڈی کے تحقیقی منصوبوں کا تفصیلی جائزہ لیا گیا جنہیں اکثریتی رائے سے منظور کیا گیا تاکہ تحقیق کے نئے دروازے کھل سکیں اور تعلیمی معیار میں مزید اضافہ ہو اس موقع پر وائس چانسلر پروفیسر ڈاکٹر ظہور احمد بازئی نے کہاکہ تحقیق اور علمی سرگرمیوں کی ترقی سے یونیورسٹی کو اس خطے میں ایک ممتاز ادارہ بنایا جا سکتا ہے۔

اجلاس میں فیکلٹی اور تحقیقی طلبائ کی تعلیمی کوششوں کی حمایت کے لیے مختلف طریقوں پر بھی غور کیا گیا۔تاکہ وہ تحقیق اور تعلیمی معیار میں جدت لانے کے لیے اپنی کوششوں کو مزید تیز کریں ۔