Live Updates

سوشل میڈیا پر منفی پروپیگنڈہ، جے آئی ٹی نے علیمہ خان کو کل دوبارہ طلب کرلیا

سوشل میڈیا پر منفی پروپیگنڈے کے خلاف جے آئی ٹی کی تحقیقات جاری ہیں، جے آئی ٹی کی جانب سے گزشتہ طلبی پر علیمہ خان کمیٹی کے سامنے پیش نہیں ہوئی تھیں

فیصل علوی منگل 25 مارچ 2025 15:50

اسلام آباد(اردوپوائنٹ اخبار تازہ ترین۔25 مارچ 2025)جوائنٹ انوسٹی گیشن ٹیم نے سوشل میڈیا پر منفی پروپیگنڈہ مہم کی تحقیقات کیلئے بانی پی ٹی آئی عمران خان کی ہمشیرہ کو کل دوبارہ طلب کرلیا، سوشل میڈیا پر منفی پروپیگنڈے کے خلاف جے آئی ٹی کی تحقیقات جاری ہیں، آئی جی اسلام آباد کی سربراہی میں جے آئی ٹی تحقیقات کررہی ہے، جے آئی ٹی کے پاس تمام شواہد موجود ہیں۔

جے آئی ٹی کی جانب سے گزشتہ طلبی پر علیمہ خان کمیٹی کے سامنے پیش نہیں ہوئی تھیں۔ان کی جانب سے ان کی وکیل عائشہ خالد جے آئی ٹی کے سامنے پیش ہوئیں تھیں۔جوائنٹ انوسٹی گیشن ٹیم نے بانی پی ٹی آئی کی ہمشیرہ کی وکیل سے پانچ گھنٹے تک پوچھ گچھ کی تھی۔جے آئی ٹی الیکٹرانک جرائم کی روک تھام کے ایکٹ 2016 کے سیکشن کے تحت تشکیل دی گئی ہے۔

(جاری ہے)

جے آئی ٹی ان افراد سے سوشل میڈیا پر منفی پروپیگنڈہ کے حوالے سے تحقیقات کر رہی ہے۔

واضح رہے کہ اس سے قبل سوشل میڈیا پر منفی پروپیگنڈے کے معاملے میں جے آئی ٹی نے علیمہ خان سمیت 17 افراد کو دوبارہ طلب کیاتھا۔تمام افراد کو جے آئی ٹی آئی نے 21 مارچ کو پیش ہونے کا حکم دیا گیاتھا۔جے آئی ٹی کی جانب سے پاکستان تحریک انصاف کے رہنماءمیاں اسلم اقبال، حماد اظہر،عون عباس، سید فردوس شمیم نقوی، محمد خالد خورشید خان،اظہر مشوانی ، محمد نعمان افضل،تیمور سلیم خان، صبغت اللہ ورک، محمد شہباز شبیر،وقاص اکرم ،ان الیاس، سلمان رضا، ذلفی بخاری، موسیٰ ورک اور علی ملک کو طلبی کے نوٹسز جاری کئے گئے تھے۔

قبل ازیںعلیمہ خان دوروز قبل بھی جے آئی ٹی کے سامنے پیش ہوئیں تھیں۔بانی پی ٹی آئی کی ہمشیرہ علیمہ خانم سے جے آئی ٹی نے 2 گھنٹے تک سوال کئے گئے تھے۔ ذرائع کے مطابق علیمہ خانم سے بانی پی ٹی آئی کے سوشل میڈیا اکاونٹس سے متعلق سوالات کئے گئے تھے۔جس کے جواب ان کا کہنا تھاکہ بانی پی ٹی آئی کے اکاونٹس کہاں سے آپریٹ ہوتے ہیں اس کامعلوم نہیں۔انہوں نے جے آئی ٹی کو یہ بھی بتایا تھا کہ صرف پارٹی پالیسی کو ہی پروموٹ کیا جاتا تھا۔