متحدہ عرب امارات کے صدر کا امریکی ہم منصب سے ٹیلی فونک رابطہ ، غزہ میں انسانی امداد کی فراہمی پر زور

بدھ 26 مارچ 2025 08:30

دبئی (اُردو پوائنٹ اخبارتازہ ترین - اے پی پی۔ 26 مارچ2025ء) متحدہ عرب امارات کے صدر شیخ محمد بن زاید آل نہیان اورامریکی صدر ڈونلڈ ٹرمپ نے غزہ کے تنازع سمیت مشرق وسطی کے متعدد امور پر تبادلہ خیال کیا ہے۔

(جاری ہے)

وام کے مطابق اس ٹیلی فونک رابطے کے دوران اماراتی صدر نے اسرائیل فلسطین تنازع کے دو ریاستی حل کے حوالے سے امارات کے عزم کا اعادہ کیا جو خطے میں جامع، منصفانہ اور دیرپا امن کی بنیاد ہے۔

انہوں نے غزہ میں مستقل جنگ بندی معاہدے پر عملدرآمد اور علاقائی استحکام برقرار رکھنے کے حوالے سے جاری کوششوں پر بھی بات کی، فلسطینی علاقے میں انسانی امداد کی فراہمی پر زور دیا۔دونوں رہنماوں نے امارات کے قومی سلامتی کے مشیر کے دورہ امریکا کے نتائج کا بھی جائزہ لیا جس میں کئی اہم معاہدے ہوئے ہیں۔