Live Updates

غزہ پر اسرائیل کے حملے،7 بچوں سمیت مزید30 فلسطینی شہید

اسرائیلی پارلیمنٹ میں نیتن یاہو کے خلاف احتجاج، یرغمالیوں کی رہائی کا مطالبہ

بدھ 26 مارچ 2025 16:56

غزہ(اُردو پوائنٹ اخبارتازہ ترین - این این آئی۔ 26 مارچ2025ء)اسرائیل کی جانب سے جنگ بندی کی خلاف ورزی کرتے ہوئے مسلسل آٹھویں روز بھی غزہ پر بمباری کا سلسلہ جاری، سات بچوں سمیت مزید 30 سے زائد فلسطینی شہید ہوگئے۔عرب ٹی وی نے بتایاکہ مغربی زرائع کے مطابق اسرائیل کی جانب سے جنگ بندی کی خلاف ورزی کرتے ہوئے مسلسل 8ویں روز بھی غزہ پر بمباری کا سلسلہ جاری رہا، جس کے نتیجے میں 7 بچوں سمیت کم از کم 23 فلسطینی شہید ہوگئے۔

سیودی چلڈرن کے مطابق ایک ہفتے میں دو سو 70 بچے شہید ہوئے، کئی رہائشی عمارتیں زمین بوس ہوگئیں۔

(جاری ہے)

اسرائیلی فوج نے فلسطینیوں کو جبالیہ کا علاقہ خالی کرنے کا حکم دے دیا ہے، جس کے بعد ہزاروں تباہ حال فلسطینی دوبارہ بے گھر ہوگئے۔سیودی چلڈرن کی ایک رپورٹ کے مطابق ایک ہفتے میں270بچے شہید ہوچکے ہیں جبکہ ہزاروں تباہ حال فلسطینی دوبارہ بے گھر ہوگئے۔حماس نے عالمی برادری سے مطالبہ کیا ہے کہ وہ اسرائیلی جارحیت رکوائے اور دنیا بھر میں اسرائیل کے خلاف احتجاجی مظاہرے کیے جائیں۔ ادھر اسرائیلی پارلیمنٹ کے اندر اور باہر نیتن یاہو حکومت کے خلاف احتجاج کیا گیا۔ مظاہرین نے جنگ بند کرنے اور یرغمالیوں کی رہائی کا مطالبہ کیا ہے۔