مالی گوشوارے جمع نہ کرنے والے قومی اسمبلی کے 10جبکہ صوبائی اسمبلیوں کے 14 سابق اراکین کو نااہل قرار

بدھ 26 مارچ 2025 22:39

اسلام آباد(اُردو پوائنٹ اخبارتازہ ترین - آن لائن۔ 26 مارچ2025ء) الیکشن کمیشن نے مالی گوشوارے جمع نہ کرنے والے قومی اسمبلی کے 10جبکہ صوبائی اسمبلیوں کے 14 سابق اراکین کو نااہل قرار دیدیا ہے ،نااہل ہونے والے والوں میں انجینئر خرم دستگیر ،محسن نواز رانجھا اور رانا محمد اقبال سمیت دیگر شامل ہیں۔

(جاری ہے)

الیکشن کمیشن نے مالی سال 2022 23 کے اثاثے اور گوشواروں کی تفصیلات الیکشن کمیشن میں جمع نہ کرانے کے معاملے پر قومی اسمبلی کے 10 سابق ارکان سندھ اسمبلی کے 7 اور بلوچستان اسمبلی کے 7 سابق ممبران کو ناہل قرار دے دیاالیکشن کمیشن نے اثاثوں کی تفصیلات جمع نہ کرانے سے متعلق کیس کا فیصلہ جاری کر دیا فیصلے کے مطابق سابق ارکان قومی اور صوبائی اسمبلی تفصیلات جمع کرانے تک عام انتخابات سمیت کسی بھی ضمنی انتخابات اور سینٹ الیکشن میں حصہ نہیں لے سکیں گے کمیشن کے مطابق مالی سال 2022 23 کے اثاثوں کی تفصیلات کے فارم بی جمع نہ کرانے تک یہ ارکان نااہل رہیں گیا الیکشن کمیشن نے تحلیل شدہ قومی اسمبلی کے سابق ارکان خرم دستگیر خان، محسن نواز رانجھا اور محمد عادل ،رانا محمد اسحاق خان، کمال الدین اور عصمت اللہ، ثمینہ مطلوب، نصیبہ ، شمیم آرا پنور اور روبینہ عرفان کو ناہل قرار دیا ہے اسی طرح الیکشن کمیشن نے تحلیل صوبائی اسمبلی سندھ کے سابق رکن عدیل احمد ، حزب اللہ بھگیو ارسلان تاج حسین، عارف مصطفی جتوئی اور عمران علی شاہ علی غلام اور طاہرہ کو بھی نااہل قرار دیاالیکشن کمیشن نے بلوچستان اسمبلی کے سابق رکن میر سکندر علی، میر محمد اکبر اور سردار یار محمد رند، عبدالرشید عبدالواحد صدیقی میر حمال اور بی بی شاہینہ کو بھی ناہل قرار دیا۔