Live Updates

190ملین پائونڈ کیس ،سزا معطلی کی جلد سماعت کیلئے درخواست دائر

معطل کی درخواست مرکزی اپیل کے ساتھ عید سے قبل مقرر کی جائے ،موقف

بدھ 26 مارچ 2025 23:17

اسلام آباد(اُردو پوائنٹ اخبارتازہ ترین - آن لائن۔ 26 مارچ2025ء)اسلام آباد ہائیکورٹ میں بشریٰ بی بی نے 190 ملین پاؤنڈز کیس میں سزا معطلی کی درخواست دائر کرتے ہوئے عدالت سے کیس کی جلد سماعت کی استدعا کی ہے جس میں کہاگیاہے کہ سزا معطلی کی درخواست مرکزی اپیل کے ساتھ عید سے قبل سماعت کے لیے مقرر کی جائے۔

(جاری ہے)

بشریٰ بی بی کی جانب سے درخواست میں وفاق اور چیئرمین نیب کو فریق بنایا گیا بانی چیئرمین پی ٹی آئی عمران خان کی اہلیہ بشریٰ بی بی نے 190 ملین پاؤنڈز کیس میں سزا معطلی کی درخواست کی جلد سماعت کے لیے اسلام آباد ہائی کورٹ سے رجوع کیا ہے۔

بشریٰ بی بی نے درخواست پر جلد سماعت کی استدعا کرتے ہوئے مؤقف اختیار کیا کہ 25 مارچ کو سزا معطلی کا کیس سماعت کے لیے مقرر تھا۔ مرکزی وکیل قتل کے مقدمے میں سپریم کورٹ میں مصروف تھے۔ عدالت نے مختصر کاز لسٹ کی وجہ سزا معطلی کی درخواستیں بھی عید کے بعد تک ملتوی کردیں۔درخواست میں بشریٰ بی بی کی جانب سے مزید کہا گیا ہے کہ درخواست گزار 54 سالہ گھریلو خاتون ہے۔