پنجاب پولیس کا احسن اقدام، ملازمین کی قوت سماعت سے محروم مزید دو بچیوں کی کوکلئیر امپلانٹ سرجری کامیاب

اے آئی جی ویلفیئر عبدالرحیم شیرازی کی نجی ہسپتال آمد،روبصحت بچیوں علیزہ عمران اور حورین زینب سے ملاقات کی

جمعرات 27 مارچ 2025 01:35

․لاہور (اُردو پوائنٹ اخبارتازہ ترین - این این آئی۔ 27 مارچ2025ء)انسپکٹر جنرل پولیس پنجاب ڈاکٹر عثما ن انورکا احسن اقدام پولیس ملازمین کی قوت سماعت سے محروم مزید دو بچیوں کی کوکلئیر امپلانٹ سرجری کروا دی گئی ہے۔آئی جی پنجاب کی ہدایت پر اے آئی جی ویلفیئر عبدالرحیم شیرازی کو کلئیر امپلانٹ سرجری کے بعد روبصحت بچیوں علیزہ عمران اور حورین زینب سے ملاقات کے لیے نجی ہسپتال گئے۔

اے آئی جی ویلفیئر نے کہا کہ پولیس اہلکاروں محمد عمران اور راول ممتاز کی بچیوں کی کوکلئیر امپلانٹ سرجری کامیابی سے سر انجام پا گئی ہے ۔

(جاری ہے)

پوسٹ سرجری علاج معالجے کے بعد دونوں بچیاں سننے اور نارمل زندگی گزارنے کے قابل ہوجائیں گی۔آئی جی پنجاب کی خصوصی کاوش پر سرکاری و نجی ہسپتالوں کے تعاون سے قوت سماعت سے محروم بچوں کی کوکلئیر امپلانٹ سرجری کروائی جا رہی ہیں۔

آئی جی پنجاب ڈاکٹر عثمان انورنے کہا کہ پنجاب پولیس اب تک اپنے ملازمین کے قوت سماعت سے محروم 33 بچوں کی کوکلئیر امپلانٹ سرجری کروا چکی ہے۔بچوں کی کوکلیئر امپلانٹ سرجری پر اب تک 5 کروڑ 84 لاکھ 40 ہزار روپے خرچ کیے جا چکے ہیں۔ آئی جی پنجاب نے مزید کہاکہ پولیس ملازمین اور انکے اہل خانہ کی ہیلتھ ویلفیئر کیلئے وسائل میں اضافہ کر رہے ہیں۔