غریب عوام کو رمضان المبارک میں ریلیف فراہم کرنا ایک احسن اقدام ہے ،ڈپٹی کمشنرنوشہرو فیروز

جمعرات 27 مارچ 2025 20:13

نوشہرو فیرو (اُردو پوائنٹ اخبارتازہ ترین - اے پی پی۔ 27 مارچ2025ء) ڈپٹی کمشنرنوشہرو فیروز محمد ارسلان سلیم کی زیر صدارت وزیر اعظم پاکستان کی جانب سے رمضان ریلیف فنڈ کی تقسیم کے سلسلے میں بی آئی ایس پی کے افسران کے ساتھ ایک اجلاس منعقد ہوا۔ اجلاس سے خطاب کرتے ہوئے ڈپٹی کمشنر نے کہا کہ وزیر اعظم پاکستان کی جانب سے ضلع کی غریب عوام کو رمضان المبارک میں ریلیف فراہم کرنا ایک احسن اقدام ہے ۔

انہوں نے تقسیم کار کے نظام کو شفاف اور تیز کر کرنے کی ضرورت پر زور دیا ۔

(جاری ہے)

انہوں نے کہا کہ ریلیف کے اس پروگرام کے بعد بینظیر انکم سپورت پروگرام کے دیگر پروگراموں میں بھی شہریوں کو سہولیات اور شفافیت فراہم کرنے کی ہر ممکن کوشش کی جائے۔ اس موقع پراجلاس کو بتایا گیا کہ رمضان ریلیف پیکج کے تحت ضلع کو 7808 شہریوں کو منتخب کیا گیا تھا جن میں 78 فیصد افراد کو رقم کی ترسیل مکمل کی جاچکی ہے جکہ اب تک 1505 افراد کو ریلیف فنڈ کی رقم فراہم کرنے میں مختلف مشکلات کا سامنا ہے ، جبکہ 178 افراد کی وفات ہونے کی رپورٹ ملی ہے جس کی تصدیق کا عمل بھی جاری ہے۔ ڈپٹی کمشنر نے اس نیکی کے کام میں ان کی ہر ممکن مدد کرنے کا یقین دلایا۔\378