شیخوپورہ،ٹرک اور موٹرسائیکل میں تصادم سے 2 نوجوان جاں بحق

مزہ ٹرک یو ٹرن لے رہا تھا پیچھے سے آتے ہوئے موٹرسائیکل سوار تیز رفتاری کے باعث ٹرک سے ٹکرا گئے

جمعہ 28 مارچ 2025 12:13

شیخوپورہ،ٹرک اور موٹرسائیکل میں تصادم سے 2 نوجوان جاں بحق

شیخوپورہ(اُردو پوائنٹ اخبارتازہ ترین - این این آئی۔ 28 مارچ2025ء)شیخوپورہ کے علاقہ فیروز وٹواں میں مزدہ ٹرک اور موٹر سائیکل میں تصادم سے 2 نوجوان جاں بحق ہو گئے ۔

(جاری ہے)

پولیس کے مطابق فیروز وٹواں کے قریب مزہ ٹرک یو ٹرن لے رہا تھا کہ پیچھے سے آتے ہوئے موٹرسائیکل سوار تیز رفتاری کے باعث بے قابو ہو کر ٹرک سے ٹکرا گئے جس کے نتیجے میں 26 سالہ شرافت اور 22 سالہ مان موقع پر جاں بحق ہو گئے۔ اطلاع ملتے ہی پولیس اور ریسکیو ٹیمیں موقع پرپہنچ گئیں۔جاں بحق ہونے والے نوجوانوں کی لاشوں کو ضروری کارروائی کے لئے ہسپتال منتقل کر دیا گیا۔پولیس نے شواہد اکٹھے کرکے حادثے کی تحقیقات شروع کر دیں۔