ایس ایس پی ٹریفک پولیس کوئٹہ بہرام خان مندوخیل سے بلوچستان گڈز ٹرک اونرز ایسوسی ایشن کے وفد کی ملاقات

جمعہ 28 مارچ 2025 16:05

کوئٹہ (اُردو پوائنٹ اخبارتازہ ترین - اے پی پی۔ 28 مارچ2025ء) ایس ایس پی ٹریفک پولیس کوئٹہ بہرام خان مندوخیل سے بلوچستان گڈز ٹرک اونرز ایسوسی ایشن کے صدر حاجی نور احمد شاہوانی ،روزی خان مندوخیل اور سہیل خان کاکڑ کی قیادت میں وفد نے ملاقات کی ملاقات میں کوئٹہ شہر میں ائیرپورٹ روڈ کی طرف سے ہیوی ٹریفک سے متعلق امور پر تبادلہ خیال کیاگیا۔

(جاری ہے)

ملاقات میں مشاورت سے فیصلہ کیاگیاکہ صبح سکول ٹائم 7:30سے لیکر 9:30 تک ٹرک کے آنے جانے پر پابندی ،دوپہر12:30سے لیکر دوپہر 3:00بجے تک ٹرک ائیرپورٹ روڈ پر آنے جانے پر پابندی ،شام 5بجے سے لیکر رات 11:30تک ہیوی ٹریفک بند رہے گا جبکہ صبح 9:30سے لیکر دوپہر12:30تک ٹرک ائیرپورٹ روڈ پر آنے جانے کی اجازت اور 3:00سے لیکر شام5:00بجے تک ٹرک کے آنے جانے کی اجازت ہوگی اس کے علاوہ رات 11:30سے لیکر صبح 7:30تک ہیوی ٹریفک کیلئے کھلا رہے گا۔

اجلاس میں فیصلہ کیاگیاکہ گوادام کے علاوہ ٹرک روڈ پر لوڈ آن لوڈ کھڑا نہیں ہوگا۔بلوچستان گڈز ٹرک اونرز ایسوسی ایشن کی جانب سے تمام ڈرائیورز وٹرانسپورٹرز کو ہدایت کی گئی ہے کہ کوئٹہ شہر میں ٹریفک کی قوانین پر عملدرآمد یقینی بنائیں تاکہ کسی بھی جرمانے اور پریشانی سے بچاجاسکے ۔