راولپنڈی پولیس کی ناجائز اسلحہ رکھنے والوں کے خلاف کارروائیاں جاری

ہفتہ 29 مارچ 2025 15:51

راولپنڈی (اُردو پوائنٹ اخبارتازہ ترین - اے پی پی۔ 29 مارچ2025ء) راولپنڈی پولیس کی ناجائز اسلحہ رکھنے والوں کے خلاف کارروائیاں جاری ہیں۔ 9 ملزمان گرفتار کر کے اسلحہ معہ ایمونیشن برآمد کر لیا۔

(جاری ہے)

ترجمان راولپنڈی پولیس کے مطابق صادق آباد پولیس نے ملزم وقار سے 30 بور پستول معہ ایمونیشن، ملزم عثمان سے 30 بور پستول معہ ایمونیشن، نصیر آباد پولیس نے ملزم عباس سے 30 بور پستول معہ ایمونیشن، ملزم وجاہت سے 30 بور پستول معہ ایمونیشن، مورگاہ پولیس نے ملزم اسماعیل سے 30 بور پستول معہ ایمونیشن، ملزم عمر طارق سے 30 بور پستول معہ ایمونیشن، ٹیکسلا پولیس نے ملزم ضیاء اللہ سے 30 بور پستول معہ ایمونیشن، صدر بیرونی پولیس نے ملزم انظر گل سے 30 بور پستول معہ ایمونیشن اور دھمیال پولیس نے ملزم جنید سے 30 بور پستول معہ ایمونیشن برآمد کر کے ملزمان کے خلاف الگ الگ مقدمات درج کر لیے۔

ڈویژنل ایس پیز کا کہنا ہے کہ ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔ ہوائی فائرنگ کرنے والے اور ناجائز اسلحہ رکھنے والے قانون کی گرفت سے نہیں بچ سکتے۔ ان کے خلاف کارروائیاں جاری رکھی جائیں گی۔