راج کپور نے مجھے اور ندیم کو اپنی فلم میں کام کی پیشکش کی تھی، ممتاز

ہفتہ 29 مارچ 2025 21:14

لاہور(اُردو پوائنٹ اخبارتازہ ترین - آن لائن۔ 29 مارچ2025ء) ماضی کی مقبول ترین اداکارہ ممتاز نے کہا ہے کہ انھیں اور اداکار ندیم بیگ کو بھارتی ہدایت کار راج کپور اپنی فلم میں لینا چاہتے تھے۔اداکارہ ممتاز نے ان خیالات کا اظہار لیجنڈری اداکار مصطفیٰ قریشی کی جانب سے فنکاروں کے اعزاز میں ہونے والی ایک تقریب کے بعد صحافیوں سے گفتگو میں کیا۔اداکارہ ممتاز نے ماضی کو یاد کرتے ہوئے بتایا کہ ان دنوں پاکستانی سینما بہت تیزی سے ترقی کے منازل طے کر رہا تھا۔

(جاری ہے)

اداکارہ نے کہا کہ محدود وسائل کے باوجود ہماری کامیابی کی ایک دلیل یہ بھی ہے کہ بھارتی فلم انڈسٹری بھی ہمیں کاپی کیا کرتی تھی اور ہمارے ساتھ کام کرنا چاہتی تھی۔ممتاز نے انکشاف کیا کہ بھارتی ممتاز فلم ساز راج کپور نے اپنی ایک فلم کے لیے مجھے اور ندیم بیگ کو کام کی ا?فر کی تھی۔اداکارہ ممتاز نے مزید کہا کہ اس حوالے سے تمام معاملات طے پاگئے اور کوریوگرافر سروج خان بھی پاکستان ا?گئی تھیں۔اداکاہ ممتاز نے بتایا کہ پھر دونوں ممالک کے درمیان حالات کشیدہ ہوگئے اور ہمیں بھارت جانے کی اجازت نہیں مل سکی۔