آئندہ چوبیس گھنٹوں کے دوران پنجاب کے بیشتر اضلاع میں موسم زیادہ تر خشک اور گرم رہنے کا امکان ہے، محکمہ موسمیات

ہفتہ 29 مارچ 2025 21:34

لاہور (اُردو پوائنٹ اخبارتازہ ترین - اے پی پی۔ 29 مارچ2025ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر اضلاع میں تیز ہواوں کے ساتھ موسم زیادہ تر خشک جبکہ میدانی علاقوں میں دن کے وقت موسم گرم رہنے کا امکان ہے ۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران صوبے کے بیشتر اضلاع میں تیز ہواں کے ساتھ موسم خشک جبکہ میدانی علاقوں میں دن کے وقت موسم گرم رہا۔

لاہور میں کم سے کم درجہ حرارت 14اور زیادہ سے زیادہ 28سینٹی گریڈ ریکارڈ کیا گیا جبکہ ہوا میں نمی کا تناسب 26رہا۔لا ہور میں آلودگی کی مجموعی شرح 85فیصد رہی جبکہ شہر کے مختلف علاقوں میں ایئر کولٹی انڈیکس غازی روڈ 132،ذکی فارمز 139،پفیل۔روڈ99،وی ٹی ایس 112،پولو گراونڈ 124اور ڈائمنڈ پینٹس 99ایئر کوالٹی انڈیکس ریکارڈ کیا گیا۔