وزیراعلی خیبرپختونخوا کا عید الفطر پر قیدیوں کی 2 ماہ کی سزا معاف کرنے کا اعلان

ہفتہ 29 مارچ 2025 21:42

پشاور (اُردو پوائنٹ اخبارتازہ ترین - این این آئی۔ 29 مارچ2025ء)خیبرپختونخوا کی جیلوں میں معمولی نوعیت کے قیدی اب عید اپنے گھر والوں کے ساتھ گزاریں گے، وزیراعلی علی امین گنڈاپور نے عید الفطر پر قیدیوں کی 2 ماہ کی سزا معاف کرنے کا اعلان کر دیا۔

(جاری ہے)

وزیر اعلی خیبرپختونخوا نے مختلف جیلوں میں قیدیوں کی 2 ماہ کی سزائیں معاف کر دیں، علی امین گنڈاپور کے احکامات کے بعد جیلوں میں بند قیدیوں کی سزائوں میں کمی کردی گئی،معمولی جرائم کرنے والے 214 قیدیوں کی سزائیں مکمل ہوگئیں، جنہیں ضروری کارروائی کے بعد رہا کردیا گیا۔معافی کا اطلاق دہشت گردی، قتل، اغوا اور دیگر سنگین جرائم کے قیدیوں پر نہیں ہوگا۔