راولپنڈی پولیس نے عید الفطر کے موقع پر فول پروف سکیورٹی کے انتظامات مکمل کر لیے

پیر 31 مارچ 2025 00:00

راولپنڈی (اُردو پوائنٹ اخبارتازہ ترین - اے پی پی۔ 31 مارچ2025ء) سی پی او سید خالد ہمدانی کی ہدایات کے مطابق راولپنڈی پولیس نے عید الفطر کے موقع پر فول پروف سکیورٹی کے انتظامات مکمل کر لیے۔ سی پی او کا کہنا ہے کہ 700 سے زائد مساجد، امام بارگاہوں اور کھلے مقامات پر عید کے اجتماعات کے لیے خصوصی سیکیورٹی انتظامات کیے گئے ہیں۔ عید الفطر کے موقع پر راولپنڈی پولیس کے 5000 سے زائد افسران ڈیوٹی انجام دیں گے۔

عید کے دنوں میں شہر بھر میں ٹریفک کی روانی کو برقرار رکھنے کے لیے ٹریفک پولیس کے 600 سے زائد افسران ٹریفک ڈیوٹی انجام دیں گے۔

(جاری ہے)

انہوں نے بتایا کہ ون ویلنگ کی روک تھام کے لیے ٹریفک پولیس کی خصوصی پکٹس لگائی گئی ہیں۔ پبلک مقامات، پارکس اور قبرستانوں کی سیکیورٹی پر 600 سے زائد پولیس افسران تعینات کیے گئے ہیں۔ ایلیٹ فورس، لیڈیز پولیس، ڈولفن فورس اور محافظ سکواڈ بھی فرائض انجام دیں گے۔ عیدالفطر کے موقع پر تھانوں کی موبائلز اور موٹر سائیکل سکواڈ علاقہ میں خصوصی گشت کے فرائض انجام دیں گے۔ انہوں نے کہا کہ عید الفطر کے موقع پر فول پروف سیکیورٹی انتظامات کے لئے تمام وسائل بروئے کار لائے جائیں گے۔ شہریوں کے جان و مال کی حفاظت اولین ترجیح ہے جسے یقینی بنایا جائے گا۔