بھارتی ریاست گجرات میں پٹاخہ فیکٹری میں خوفناک دھماکہ، 17افراد ہلاک

منگل 1 اپریل 2025 19:30

ممبئی (اُردو پوائنٹ اخبارتازہ ترین - اے پی پی۔ 01 اپریل2025ء) بھارتی ریاست گجرات میں ایک پٹاخہ فیکٹری میں دھماکے سے کم سے کم17افراد ہلاک ہوگئے ہیں۔کشمیر میڈیا سروس کے مطابق دھماکہ ریاست کے ضلع بناس کانٹھا میں ایک پٹاخہ فیکٹری میں ہوا جس کے نتیجے میں 17افراد جھلس کر ہلاک ہوگئے جبکہ متعدد زخمی ہوگئے ۔

(جاری ہے)

دھماکے کے بعد زخمیوں کو فوری طور پر اسپتال منتقل کیاگیا جبکہ متعددافراد اب بھی ملبے تلے دبے ہوئے ہیں۔فیکٹری میں دھماکے کے بعد آگ لگ گئی ۔دھماکے کے وقت فیکٹری میں تقریبا 30 مزدور کام کر رہے تھے۔بھارتی میڈیا کے مطابق حادثے کے بعد فیکٹری کا مالک فرار ہوگیا ہے جبکہ حادثے کی وجوہات جاننے کے لیے پولیس کی تحقیقات جاری ہیں۔