سعودی عرب، رمضان المبارک کے دوران 122 ملین سے زائد عمرہ زائرین اور نمازی الحرمین الشریفین آئے

جمعرات 3 اپریل 2025 10:20

ریاض (اُردو پوائنٹ اخبارتازہ ترین - اے پی پی۔ 03 اپریل2025ء) سعودی عرب کے مقدس مقامات الحرمین الشریفین کی جنرل اتھارٹی نے کہا ہے کہ رمضان المبارک کے دوران 122 ملین سے زائد عمرہ زائرین اور نمازی الحرمین الشریفین میں آئے۔

(جاری ہے)

اتھارٹی کے ایکس (ٹوئٹر) اکاؤنٹ کے مطابق آنے والے کل زائرین کی تعداد 12 کروڑ 22 لاکھ 86 ہزار 712 نفوس، رمضان میں عمرہ کرنے والوں کی تعداد ایک کروڑ 65 لاکھ 58 ہزار 241 رہی۔اسی طرح مسجد الحرام مکہ مکرمہ میں نماز کے لیے آنے والوں کی تعداد 7 کروڑ 55 لاکھ 73 ہزار 928 تھی۔مسجد نبوی مدینہ منورہ میں نماز کی ادائیگی کے لیے آنے والوں کی تعداد 3 کروڑ ایک لاکھ 54 ہزار 543 رہی۔