بحرین میں عید الفطر کے دوران سعودی اور خلیجی سیاحوں کی آمد کے باعث ہوٹلوں میں بکنگ کی شرح 90 فیصد سے تجاوز

جمعرات 3 اپریل 2025 10:20

منامہ (اُردو پوائنٹ اخبارتازہ ترین - اے پی پی۔ 03 اپریل2025ء) بحرین میں سعودی اور خلیجی سیاحوں کی آمد کے باعث ہوٹلوں میں بکنگ کی شرح 90 فیصد سے زیادہ ہے۔سبق نیوز کے مطابق بحرین ٹورازم اتھارٹی کا کہنا ہے کہ یہاں کے بعض لگژری ہوٹل فی کمرہ اپنی اوسط آمدنی میں اضافہ ریکارڈ کرا رہے ہیں۔

(جاری ہے)

عید الفطر کے دوران بحرین میں ہوٹلوں میں بکنگ کی شرح 90 فیصد سے تجاوز کر جاتی ہے جبکہ خاص لگژری ہوٹلز جہاں سے سمندر کا نظارہ کیا جا سکتا ہے وہاں بکنگ کی شرح 95 فیصد تک پہنچ جاتی ہے۔

بحرین اتھارٹی نے کہا کہ اس کی سب سے بڑی وجہ عید الفطر کے دنوں میں سعودی شہریوں کی یہاں آمد ہے جو تمام سیاحوں کا 60 فیصد ہیں۔ اعدادوشمار کے مطابق سعودی سیاح دورے کے دوران خلیجی ممالک کے سیاحوں کے مقابلے میں 3 سے 4 گنا زیادہ اخراجات کرتے ہیں۔