نیوزی لینڈ کی کنڈیشن ‘نیوزی لینڈ کے ابتدائی بیٹرز فلاپ ہوگئے

ہدف کے تعاقب میں پاکستانی بیٹرز بری طرح ناکام ہوئے اور سات کھلاڑی ڈبل فیگر میں بھی داخل نہ ہوسکے

جمعرات 3 اپریل 2025 11:10

ماؤنٹ مونگانوئی(اُردو پوائنٹ اخبارتازہ ترین - این این آئی۔ 03 اپریل2025ء)نیوزی لینڈ کی کنڈیشن میں پاکستانی بیٹرز ایک بار پھر ناکام ہوگئے اور ابتدائی بیٹرز بھی فلاپ ہوگئے۔ نیوزی لینڈ کے خلاف دوسرے ون ڈے میں پاکستان نے ٹاس جیت کربولنگ کا فیصلہ کیا، 71 رنز پر دونوں اوپنرز آؤٹ ہوگئے، نک کیلے 31 اور ماریو 18 رنزبناکرآؤٹ ہوئے، ڈیرل مچل 18، ہینری نکلز 22 اور کپتان مائیکل بریسویل 17 رنزبناکر پولین لوٹ گئے۔

132رنزپر آدھی ٹیم آؤٹ ہوگئی۔

(جاری ہے)

مچل ہے نے محمد عباس کے ساتھ 77 رنزکی شراکت لگائی، عباس 41 رنزبناکرساتھ چھوڑ گئے، مچل ہے نے 99 رنز ناٹ آؤٹ رہے، ان کی اننگز میں سات چوکے اور سات چھکے شامل تھے۔ مقررہ اوورز میں نیوزی لینڈ کا اسکور 8 وکٹ پر 292رنز رہا۔ وسیم جونیئر اور سفیان مقیم نے دو دو وکٹیں حاصل کیں۔ہدف کے تعاقب میں پاکستانی بیٹرز بری طرح ناکام ہوئے اور سات کھلاڑی ڈبل فیگر میں بھی داخل نہ ہوسکے۔ عبداللہ شفیق اور بابر اعظم ایک ایک، امام الحق تین، کپتان محمد رضوان 5 اور سلمان علی آغا9 رنز ہی بناسکے۔