پتوکی کے ہونہار طالبعلم طلحہ ساجد نے ای کیٹ کے امتحان میں پنجاب بھر میں سے پہلی پوزیشن حاصل کرلی

طلحہ ساجد نے 400 میں سے 396نمبر حاصل کیے ، وزیر تعلیم پنجاب رانا سکندر حیات کی والدین ،اساتذہ کو مبارکباد

جمعرات 3 اپریل 2025 12:55

پھولنگر (اُردو پوائنٹ اخبارتازہ ترین - این این آئی۔ 03 اپریل2025ء) پتوکی کے ہونہار طالب علم طلحہ ساجد نے ای کیٹ کے امتحان میں پنجاب بھر میں سے پہلی پوزیشن حاصل کرلی ،کامیابی پر وزیر تعلیم پنجاب رانا سکندر حیات نے والدین اور اساتذہ کو مبارکباد دی ہے ۔

(جاری ہے)

تفصیلات کے مطابق پتوکی سے تعلق رکھنے والے ہونہار طالب علم طلحہ ساجد نے ای کیٹ کے امتحان میں 400 میں سے 396نمبر حاصل کرکے پنجاب بھر میں سے میدان مار لیا ۔

پنجاب کی تاریخ میں طلحہ نے پہلی بار یہ اعزاز اپنے نام کیا ،اس سے پہلے پنجاب میں اتنے نمبر کسی نے حاصل نہیں کیے تھے ۔طلحہ کا کہنا ہے کہ یہ سب والدین کی دعائوں اور اساتذہ کی محنت کا نتیجہ ہے ،آنے والے وقت میں آرٹیفشل انٹیلی جنس میں اپنا لوہا منوا کر ملک وقوم کا نام دنیا بھر میں روشن کروں گا ، اس بہترین کامیابی پر وزیر تعلیم پنجاب رانا سکندر حیات نے مبارکباد پیش کی ہے۔