ملک سہیل طلعت نے وزیراعظم شہباز شریف کے بجلی پیکج کو سراہتے ہوئے کہا کہ یہ نہایت ہی مثبت پیش رفت ہے۔

اس اقدام سے زراعت، صنعت و عوام کو کافی حد تک ریلیف ملے گا

عمر جمشید جمعرات 3 اپریل 2025 16:29

ملتان (اُردو پوائنٹ اخبارتازہ ترین۔ 03 اپریل2025ء) ملک سہیل طلعت نے وزیراعظم شہباز شریف کے بجلی پیکج کو سراہتے ہوئے کہا کہ یہ نہایت ہی مثبت پیش رفت ہے۔اس اقدام سے زراعت، صنعت و عوام کو کافی حد تک ریلیف ملے گا۔ پچھلے دو یوم سے مایوسی پھیلانے والے عناصر جو ملک کو معاشی عدم استحکام سے دوچار دیکھنا چاہتے ہیں والوں کو آج مایوسی سے دوچار ہونا پڑا۔

(جاری ہے)

گو کہ معیشت بحالی کے لیے ہم نے خطے کی مناسبت کے لحاظ سے ٹیرف کمی کا مطالبہ کیا تھا تاہم ہم سمجھتے ہیں موجودہ فیصلہ مناسب پیش رفت ہے۔
پی بی ایف سٹیٹ بینک پالیسی ریٹ میں آئندہ سہ ماہی میں مارک اپ میں بارہ فیصد سے کم کرکے آٹھ فیصد کی توقع رکھتی ہے۔ وزیراعظم شہباز شریف زراعت اور بلخصوض بحالی کپاس پر اپنی خصوصی توجہ مرکوز کیے ہوئے ہیں کو جاری رکھیں گے۔
انہوں نے کہا معیشت سست ہی سہی مگر درست سمت گامزن ہے۔ پی بی ایف مکمل معیشت بحالی تک تمام شعبوں کی اصلاحات کے لیے اپنا کردار ادا کرتی رہے گی۔