عیدالفطر پر 3 لاکھ سے زائد سیاحوں نے خیبرپختونخوا کا رخ کر کیا

سب سے زیادہ سیاحوں نے وادی سوات کا رخ کیا، اعدادو شمار کے مطابق سوات میں 2 لاکھ گیارہ ہزار 9 سیاحوں نے مختلف سیاحتی مقامات کی سیر کی

جمعرات 3 اپریل 2025 21:25

عیدالفطر پر 3 لاکھ سے زائد سیاحوں نے خیبرپختونخوا کا رخ کر کیا

پشاور (اُردو پوائنٹ اخبارتازہ ترین - آن لائن۔ 03 اپریل2025ء) وزیراعلی خیبرپختونخوا علی امین گنڈا پور اور مشیر سیاحت و ثقافت زاہد چن زیب کی ہدایات پر عیدالفطر پر خیبرپختونخوا کے مختلف سیاحتی مقامات پر سیاحوں کیلئے تمام ٹورازم اتھارٹیز، ٹورازم پولیس اورٹورازم ہیلپ لائن 1422کو متحرک کرنے سمیت دیگر اقدامات اٹھائے گئے جس سے ہمیشہ کی طرح نہ صرف کثیر تعداد میں سیاحوں نے سیاحتی مقامات کا رخ کیا بلکہ بہترین انداز میں لطف اندوز بھی ہوئے عیدالفطر کے تین روز میں صوبہ کے مختلف سیاحتی مقامات پر 3 لاکھ چھ ہزار 215 سے زاہد سیاحوں نے رخ کیا جس میں سب سے زیادہ سیاحوں نے سوات کی مختلف وادیوں کا رخ کیا جس کی تعداد2 لاکھ گیارہ ہزار 9 تھی جبکہ وادی ناران میں 42 ہزار111، گلیات میں 28 ہزار جبکہ وادی کمراٹ میں 16ہزار400سیاحوں نے رخ کیا۔

(جاری ہے)

مشیر سیاحت زاہد چن زیب کی ہدایات پر ٹورازم پولیس کے جوانوں کی ڈیوٹیاں منسوخ کی گئی تھیں جس پر انہوں نے صوبے کے مختلف سیاحتی مقامات پر دوران عید ڈیوٹی سرانجام دی۔