مجاہد اول سردار عبد القیوم خان حسن کردار کا نقش تا بند ہ تھے،سردارواجد خان عباسی

جمعہ 4 اپریل 2025 20:15

کراچی (اُردو پوائنٹ اخبارتازہ ترین - این این آئی۔ 04 اپریل2025ء) مجاہداول سردار عبد القیوم خان عباسی کے 101ویں یوم پیدائش کے موقع پرپاکستان مسلم کانفرنس کے مرکزی رہنماوانجمن اتحادعباسیہ پاکستان کے مرکزی نائب صدر سردارواجدخان عباسی اورمرکزی جنرل سیکریٹری سرداربابرعباسی نے میڈیاکوجاری اپنے مشترکہ بیان میں مجاہداول سردارمحمدعبدالقیوم خان عباسی کو زبردست خراج عقیدت پیش کرتے ہوئے کہا ہے کہ مجاہداول حسن کردار کا نقش تابندہ تھے ان کی پوری زندگی سیاسی، سماجی اور مذہبی لحاظ سے ہم سب کے لیے مشعل راہ ہے۔

ان کی عسکری زندگی بھی ہمیں جرأت و بہادری اور عزم و ہمت کا درس دیتی ہے۔ انہو ں نے کہا کہ مجاہد اول سردار عبد القیوم خان کی قیادت میں ان کے ساتھیوں نے 23اگست 1947 کو نیلا بٹ کے مقام پر سب سے پہلے گولی چلا کر کشمیر کی آزادی کے لیے جنگ کا آغاز کیا تھا جس کی بنیاد پر بھارت سے ہزاروں مربع میل پر مشتمل کشمیر حاصل کیا گیا جسے آج ہم آزاد کشمیر کہتے ہیں۔

(جاری ہے)

آزاد کشمیر کی موجودہ حیثیت داراصل ان کی کاوشوں کانتیجہ ہے۔ انہوں نے کہا کہ سردار محمد عبد القیوم خان عباسی نے سیاسی، سماجی اور عسکری محاذ پر ناقابل فراموش کارنامے سر انجام دیے۔''کشمیربنے گا پاکستان''کا نعرہ بھی انہی کی تخلیق ہے۔وہ بلا شبہ ''حسن کردارکا نقش تابندہ تھے ''وہ ایک اصول پسندوعظیم سیاسی رہنما تھے ان کے افکاروکردارپرعمل پیرا ہوکرہم آج بھی اپنے تمام سیاسی وسماجی اورمعاشی ومعاشرتی مسائل کو حل کرسکتے ہیں۔

انہوں نے مزید کہا کہ آج مجاہداول کی عظیم روایات اور اقدار کو ان کے صاحبزادے ہمارے ہردلعزیزرہنما سردارعتیق احمدخان عباسی آگے بڑھارہے ہیں اور ہم ان کے ادنی سپاہی کی حیثیت میں ان کے ساتھ ہیں۔سردارواجدعباسی و سرداربابرعباسی نے آخرمیں تمام احباب سے اپیل کی ہے کہ وہ سوشل میڈیا کے تمام ذرائع سمیت ہرسطح پرمجاہداول کا خصوصی تذکرہ کرتے ہو? ان کی بلندء درجات کیل? خصوصی طور پر دعا اورایصال ثواب کا اہتما م کریں۔