اوکاڑہ ،پولیس نے 3سال تک جان سے مارنے کی دھمکی دیکر دوشیزہ کوزیادتی کا نشانہ بنانیوالا ملزم گرفتار کرلیا

جمعہ 4 اپریل 2025 20:25

اوکاڑہ(اُردو پوائنٹ اخبارتازہ ترین - این این آئی۔ 04 اپریل2025ء)اوکاڑہ کے نواح میں اوباش شخص نے تین سال تک جان سے مارنے کی دھمکی دیکر گن پوائنٹ پر دو شیزہ کو زیادتی کا نشانہ بناتا رہا۔

(جاری ہے)

تفصیلات کے مطابق اوکاڑہ کے نواحی قصبہ کھجور والا دیپالپور کے رہائشی محمد یعقوب کی بیٹی صوبیہ تبسم تین سال قبل گھر میں اکیلی تھی کہ اچانک اوباش رانا محمد عباس ولد رانا محمد حنیف گھر میں داخل ہوا اور اسلحہ کے زور پر جان سے مارنے کی دھمکی دیکر زبردستی اسے زیادتی کا نشانہ بنا دیا اس کے بعدکئی دفعہ تین سال تک زبردستی زیادتی کا نشانہ بناتا رہا علم ہونے پر والدین نے صوبیہ تبسم کی نواحی قصبہ بہلول پور میں شادی کردی مگر وہ وہاں جا کر بھی جان سے مارنے کی دھمکی دیکر زیادتی کرتا رہا جس کا علم صوبیہ تبسم کے خاوندکو ہو گیا اور اس نے طلاق دے دی ۔

پولیس تھانہ حجرہ شاہ مقیم نے صوبیہ تبسم کی درخواست پر مقدمہ درج کرکے ملزم کو 10گھنٹوں کے اندر گرفتار کر لیا ہے۔