میئرلندن کا پولیسنگ میں تاریخی فنڈنگ کا اعلان

مذکورہ فنڈنگ پولیس افسران، عملہ اور ضروری ساز و سامان پر خرچ کی جائے گی،گفتگو

ہفتہ 5 اپریل 2025 16:58

میئرلندن کا پولیسنگ میں تاریخی فنڈنگ کا اعلان

لندن (اُردو پوائنٹ اخبارتازہ ترین - این این آئی۔ 05 اپریل2025ء)لندن کے میئر صادق خان نے دارالحکومت میں علاقائی پولیسنگ کو مضبوط بنانے کے لیے 1.16 بلین پانڈز کی تاریخ ساز فنڈنگ کا اعلان کر دیا۔اس فنڈنگ سے 935 نئیبرہڈ پولیس افسران کے عہدے محفوظ ہوگئے ہیں جو پہلے خطرے میں تھے۔

(جاری ہے)

علاوہ ازیں ماہرین کی ٹیموں جیسے فورینزکس اور کتوں کے سپورٹ یونٹ میں کی جانے والی ممکنہ کٹوتیوں کو بھی کم کردیا گیا ہے۔

میئر صادق خان نے اپنی مدت کے دوران اس حوالے سے کئی کامیابیوں کو سمیٹا ہے، انہوں نے سٹی ہال کی طرف سے میٹ پولیس کو ملنے والی امداد کو بھی دوگنا کردیا ہے۔میئر لندن نے واضح کیا مذکورہ فنڈنگ پولیس افسران، عملہ اور ضروری ساز و سامان پر خرچ کی جائے گی تاکہ پولیس اپنے فرائض منصبی بہتر طور پر انجام دے سکے۔