پنجاب کے بیشتر علاقوں میں موسم گرم و خشک، جنوبی اضلاع میں درجہ حرارت زیادہ رہنے کا امکان

ہفتہ 5 اپریل 2025 19:48

لاہور (اُردو پوائنٹ اخبارتازہ ترین - اے پی پی۔ 05 اپریل2025ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر اضلاع میں موسم گرم اور خشک جبکہ جنوبی اضلاع میں دن کا درجہ حرارت معمول سے 02 سے 04 ڈگری سینٹی گریڈ زیادہ رہنے کا امکان ہے ۔

(جاری ہے)

ہفتہ کو ترجمان محکمہ موسمیات کے مطابق گذشتہ چوبیس گھنٹوں کے دوران صوبے کے بیشتر اضلاع میں موسم گرم و خشک جبکہ جنوبی اضلاع میں دن کا درجہ حرارت معمول سے 02 سے 04 ڈگری سینٹی گریڈ زیادہ رہا ۔

لاہور میں کم سے کم درجہ حرارت 19اور زیادہ سے زیادہ 31سینٹی گریڈ ریکارڈ کیا گیا جبکہ ہوا میں نمی کا تناسب 27فیصدرہا۔لا ہور میں آلودگی کی مجموعی شرح 154فیصد رہی جبکہ شہر کے مختلف علاقوں میں ایئر کولٹی انڈیکس فیز ایٹ ڈی ایچ اے 119,ذکی فارمز 139،پاور زون 185،ہونڈا گیٹ وے 144، سید مراتب علی روڈ151اور عسکری ٹین میں 139ایئر کوالٹی انڈیکس ریکارڈ کیا گیا۔