پشاور تھانہ انقلاب پولیس کا آئس، غیر قانونی اسلحہ سمیت دیگر جرائم پیشہ عناصر کے خلاف کامیاب کریک ڈاون، 4 ملزمان گرفتار

ہفتہ 5 اپریل 2025 19:10

پشاور (اُردو پوائنٹ اخبارتازہ ترین - اے پی پی۔ 05 اپریل2025ء) ڈی ایس پی رحمان بابا دیار خان کی نگرانی میں ایس ایچ او تھانہ انقلاب ارشاد عمر نے دیگر پولیس نفری کے ہمراہ آئس سمیت غیر قانونی اسلحہ کے خلاف کامیاب کریک ڈاون کے دوران متعدد ملزمان کو گرفتار کرلیا۔

(جاری ہے)

ایس پی صدر ڈویژن ملک حبیب خان کی ہدایت پر پولیس نے امن وامان کی صورتحال کو برقرار رکھنے کی خاطر جرائم پیشہ عناصر کے خلاف نواحی علاقوں میں کریک ڈاون مزید تیز کردیا ہے ۔

تفصیلات کے مطابق کارروائیوں کے دوران گرفتار ملزمان نے ابتدائی تفتیش کے دوران مختلف جرائم میں ملوث ہونے کا اعتراف کرلیا جن کے قبضے سے 500 گرام آئس، ایک عدد کلاشنکوف، ایک عدد پستول اور متعدد کارتوس بھی برآمد کرلئے گئے ہیں۔ ملزمان کے خلاف مقدمات درج کرکے تفتیش شروع کردی گئی ہے۔