سرگودھا ، سکیورٹی کے فول پروف سکیورٹی انتظامات ،پولیس اہلکار گھروں اور مسیحی آبادی میں تعینات

اتوار 6 اپریل 2025 15:45

سرگودھا(اُردو پوائنٹ اخبارتازہ ترین - این این آئی۔ 06 اپریل2025ء)مسیحی برادری کی گرجا گھروں میں ہفتہ وار عبادات کے موقع پر سرگودھا میں فول پروف سیکورٹی انتظامات کئے گئے، پولیس کو گرجا گھروں اور مسیحی آبادی میں تعینات کر کے الرٹ رکھا گیا ، چرچز میں داخل ہونے والوں کی تلاشی کے لئے مردوں کے ساتھ خواتین اہلکارتعینات کی گئیں ۔

(جاری ہے)

ذرائع کے مطابق ڈی پی او ڈاکٹر محمد صہیب اشرف کی زیر نگرانی اتوار کے روز مسیحی برادری کی گرجا گھروں میں ہفتہ وار مذہبی عبادات کے موقع پر سخت ترین سیکورٹی انتظامات کر کے ضلع بھر کے تمام گرجا گھروں اور مسیحی آبادیوں میں پولیس افسران و اہلکارووں کو الرٹ رکھا گیا۔

اس موقع پر ڈی پی او نے تعینات اہلکاروں کی ڈیوٹیز کو چیک کرتے ہوئے جوانوں کو ڈیوٹی کی حساسیت کے بارے بریف کیا جن کا کہنا تھا کہ کرسچین برادری کو فول پروف سکیورٹی دینے کے لیے تمام تراقدامات کو یقینی بنایا گیا ہے۔سرگودھا کے تمام گرجا گھروں میں داخل ہونے والوں کی تلاشی کے لئے مرداہلکاروں کے ساتھ لیڈی پولیس کو معمور رکھا گیا ہے اور ٹریفک کی روانی کو برقرار رکھنے کے لئے ٹریفک پولیس کو الگ سے ٹریفک پلان جاری ہے۔