پنجاب بھرمیں گذشتہ چوبیس گھنٹوں کے دوران 1484ٹریفک حادثات میں 12افراد جاں بحق،1768زخمی ہوئے،ترجمان

اتوار 6 اپریل 2025 17:40

لاہور (اُردو پوائنٹ اخبارتازہ ترین - اے پی پی۔ 06 اپریل2025ء) پنجاب بھرمیں گذشتہ چوبیس گھنٹوں کے دوران 1484ٹریفک حادثات میں 12افراد جاں بحق اور1768زخمی ہوئے۔

(جاری ہے)

اتوار کو ترجمان ریسکیو 1122کے مطابق ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1484ٹریفک حادثات پر ریسپانڈ کیا جن میں 726افراد شدید زخمی ہوگئے جنہیں فوری طور پر نزدیکی ضلعی و تحصیل ہسپتالوں میں منتقل کیا گیا جبکہ1042معمولی زخمیوں کو ریسکیومیڈیکل ٹیموں نے جائے حادثہ پر بروقت طبی امداد فراہم کی ، ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 890ڈرائیورز،53کم عمرڈرائیور، 696مسافراور194پیدل چلنے والے افراد متاثر ہوئے،ترجمان کے مطابق256ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی دارالحکومت317متاثرین کے ساتھ پہلے، فیصل آباد 89حادثات میں 107متاثرین کے ساتھ دوسر ے اورگو جرا نوالہ85حادثات میں 95متاثرین کے سا تھ تیسرے نمبرپررہا۔