ریاض ایئر کو پروازیں شروع کرنے کے لیے ’ایئر آپریٹر سرٹیفکیٹ‘ جاری

پیر 7 اپریل 2025 10:40

ریاض (اُردو پوائنٹ اخبارتازہ ترین - اے پی پی۔ 07 اپریل2025ء) جنرل اتھارٹی آف سول ایوی ایشن (جی اے سی اے)نے ’ریاض ایئرلائنز‘ کو ایئر آپریٹر سرٹیفکیٹ (اے او سی) جاری کردیا۔

(جاری ہے)

الاخباریہ چینل کو انٹرویو دیتے ہوئے سعودی عرب کے وزیر ٹرانسپورٹ و لاجسٹکس انجینئر صالح الجاسر نے جاری بیان میں کہا ہے کہ’ریاض ایئر‘ کے لیے ایئر آپریٹر سرٹیفکیٹ کا اجرا ہوابازی کے شعبے کی حکمت عملی اور اس کے مقاصد کا حصول ہے جس کا مقصد 2030 تک مملکت کو ہوابازی کے شعبے کو مشرق وسطی میں سرفہرست بنانا ہے اور مملکت کو تین براعظموں کو جوڑنے والا عالمی لاجسٹک پلیٹ فارم میں تبدیل کرنا ہے۔

اسی طرح ریاض شہر کو ایک عالمی گیٹ وے اور نقل و حمل، تجارت اورسیاحت کے شعبے کا ایک اہم مرکز بنائیں گے نیز اسے مشرق اور مغرب سے جوڑنے والا پل بنانا ہے۔ واضح رہے کہ گزشتہ سال 11 دسمبر کو ریاض ایئر نے اس سلسلے میں جنرل اتھارٹی آف سول ایوی ایشن کو ہورا کرنے کے حصے کے طور پر ایئر آپریٹر سرٹیفکیٹ حاصل کرنے کے لیے اپنی آزمائشی پروازیں شروع کی تھیں۔