نابالغ لڑکی کو ملازمت کا جھانسہ دیکر عزت لوٹ لی

ملزم بلیک میل کر کے حراساںاور سنگین دھمکیاں دیتا رہا، پولیس نے گرفتار کر لیا

پیر 7 اپریل 2025 10:40

حجرہ شاہ مقیم (اُردو پوائنٹ اخبارتازہ ترین - این این آئی۔ 07 اپریل2025ء)نابالغ لڑکی کو گھر میں ملازمت کا جھانسہ دیکر بے آبرو کر دیا،پولیس نے ملزم کو گرفتار کر کے مقدمہ درج کر لیا۔

(جاری ہے)

تفصیلات کے مطابق بائی پاس رینالہ کی رہائشی بیوہ خاتون حرا بی بی نے درخواست دی کہ ملزم آصف اسکے گھر آیا اور اسکی پندرہ سالہ نابالغ بیٹی (ش) بی بی کو کسی کے گھر اچھی تنخواہ پر ملازمت دلوانے کے بہانے ساتھ لے گیا اور اسے زیادتی کا نشانہ بنا ڈالااور کاروائی سے روکنے کیلئے حراساں کر کے بلیک میل کرتے ہوئے سنگین نتائج کی دھمکیاں دیتا رہا،پولیس نے ملزم کو گرفتار کر کے مقدمہ درج کر لیا ہے ،ڈی پی او اوکاڑہ محمد راشد ہدایت نے کہا ہے کہ ماں ، بہنوں اور بیٹیوں کا تحفظ پولیس کی اولین ترجیح ہے ،متاثرہ لڑکی کو تمام قانونی امداد فراہم کی جارہی ہے، ملزم کو قانون کے مطابق قرار واقعی سزا دلوائی جائے گی ۔