میرے ورثا کو میری جائیداد سے 1 فیصد سے بھی کم حصہ ملے گا، بل گیٹس

میں نہیں کہتا کہ کل کو میرے بچے مائیکروسوفٹ کا کاروبار سنبھالیں، خود کمائیں اور کامیابی حاصل کریں،گفتگو

پیر 7 اپریل 2025 16:24

میرے ورثا کو میری جائیداد سے 1 فیصد سے بھی کم حصہ ملے گا، بل گیٹس

نیویارک (اُردو پوائنٹ اخبارتازہ ترین - این این آئی۔ 07 اپریل2025ء)ٹیک جائنٹ بل گیٹس نے کہا ہے کہ میرے ورثا کو میری جائیداد سے 1 فیصد سے بھی کم حصہ ملے گا۔

(جاری ہے)

بین الاقوامی میڈیا کے مطابق ایک انٹرویو کے دوران بل گیٹس نے کہا کہ میں اپنی وراثت کا 1 فیصد سے بھی کم اپنے بچوں کے لیے چھوڑنے کا ارادہ رکھتا ہوں، اس بات پر یقین رکھتا ہوں کہ میرے بعد میرے ورثا میرے بنائے ہوئے کاروبار کے بجائے خود کامیابی حاصل کریں۔انہوں نے کہا کہ مائیکروسوفٹ کوئی وراثتی ادارہ نہیں، میں نہیں کہتا کہ کل کو میرے بچے مائیکروسوفٹ کا کاروبار سنبھالیں، میں چاہتا ہوں وہ خود کمائیں اور کامیابی حاصل کریں۔