ڈرائیونگ سکول ایگزیکٹو سے پاس ہونے والے پہلے بیچ کے اُمیدوران میں سرٹیفکیٹ اور ڈرائیونگ لائسنس کی تقسیم

پیر 7 اپریل 2025 18:39

سرگودھا (اُردو پوائنٹ اخبارتازہ ترین - اے پی پی۔ 07 اپریل2025ء) ریجنل پولیس آفیسر (آر پی او) سرگودھا محمد شہزاد آصف خان نے پولیس ڈرائیونگ سکول ایگزیکٹو سے پاس ہونے والے پہلے بیچ کے اُمیدواران میں سرٹیفکیٹس اور ڈرائیونگ لائسنس تقسیم کیے۔ اُنہوں نے ڈرائیونگ کورس کامیابی سے مکمل کرنے پر مبارکباد دی۔

(جاری ہے)

اس موقع پر آر پی او نے کہا کہ پولیس خدمت مرکز میں دیگر خدمات کے ساتھ ڈرائیونگ کی تعلیم و تربیت بھی فراہم کی جاتی ہے۔ علاوہ ازیں ریجنل پولیس آفیسر محمد شہزاد آصف خان نے ٹرانسفر ہونے والے سب ڈویژنل پولیس آفیسر بھیرہ سرکل اے ایس پی عدنان احمد ملک سے الوداعی ملاقات کی۔ آر پی او نے اُنہں اعزازی شیلڈ دی اور ان کی آئندہ تعیناتی کے لیے نیک خواہشات کا اظہار کیا۔