اسٹاک ایکسچینج؛ شدید مندی کے بعد مثبت آغاز، انڈیکس کی ایک لاکھ 16 ہزار کی حد بحال

منگل 8 اپریل 2025 16:24

کراچی(اُردو پوائنٹ اخبارتازہ ترین - این این آئی۔ 08 اپریل2025ء)پاکستان اسٹاک ایکسچینج میں گزشتہ روز پیش آنے والی شدید مندی کے بعد آج مثبت آغاز ہوا اور انڈیکس کی ایک لاکھ 16 ہزار پوائنٹس کی حد بحال ہو گئی۔بازارِ حصص میں کاروباری ہفتے کے دوسرے روز مارکیٹ کا آغاز مثبت انداز میں ہوا اور کاروباری سرگرمیوں میں تیزی کا رجحان دیکھا گیا۔

(جاری ہے)

اس دوران کے ایس ای 100 انڈیکس 1446 پوائنٹس کے اضافے سے 116355 پوائنٹس کی سطح پر آ گیا۔

واضح رہے کہ امریکی صدر ڈونلڈ ٹرمپ کی جانب سے ٹیرف عائد کیے جانے کے بعد دنیا کے دیگر ممالک کی طرح پاکستان کی بھی اسٹاک مارکیٹ کریش کر گئی تھی اور کاروبار میں شدید مندی ریکارڈ ہوئی تھی۔پیر کے روز بازارِ حصص میں کاروبار کے اختتام پر 3882 پوائنٹس کی کمی ریکارڈ ہونے سے انڈیکس ایک لاکھ 14 ہزار 909 پوائنٹس پر بند ہوا تھا۔