آئی ایم ایف نے ارجنٹائن کے لئے 20 بلین ڈالر قرض کے ابتدائی معاہدے کی منظوری دے دی

بدھ 9 اپریل 2025 16:39

واشنگٹن(اُردو پوائنٹ اخبارتازہ ترین - این این آئی۔ 09 اپریل2025ء)بین الاقوامی مالیاتی فنڈ (آئی ایم ایف)نے ارجنٹائن کے لئے 20 بلین ڈالر قرض کے ابتدائی معاہدے کی منظوری دے دی ۔

(جاری ہے)

میڈیارپورٹس میں کہاگیاکہ آئی ایم ایف کے بیان کے مطابق ارجنٹائن کے ساتھ 20 بلین ڈالر کے چار سالہ قرض کے انتظام پر ابتدائی معاہدہ کیا گیا ہے جس کا مقصد اس کے جامع اقتصادی پروگرام کی معاونت کرنا ہے۔

بیان کے مطابق ارجنٹائن کے لئے قرضے کے حوالے سے سٹاف لیول معاہدے کی اب آئی ایم ایف کا ایگزیکٹو بورڈ منظوری دے گا۔ارجنٹائن اب تک آئی ایم ایف سے 22 بار مجموعی طور پر 44 بلین ڈالر قرض لے چکا ہے اور وہ فنڈ سے سب سے زیادہ قرضے لینے والا ملک ہے۔ واضح رہے کہ آئی ایم ایف سے بھاری قرضوں کی وجہ سے ارجنٹائن کی کرنسی کی قدر میں تیزی سے کمی دیکھی گئی ہے۔