پنجاب اسمبلی جعلی بھرتی کیس ، پرویز الٰہی ، شریک ملزمان پر فرد جرم عائد نہ ہو سکی

بدھ 9 اپریل 2025 17:21

لاہور (اُردو پوائنٹ اخبارتازہ ترین - این این آئی۔ 09 اپریل2025ء)پنجاب اسمبلی میں مبینہ جعلی بھرتیوں کے معاملے پر پاکستان تحریک انصاف کے مرکزی صدر و سابق وزیر اعلی پنجاب چودھری پرویز الٰہی اور شریک ملزمان پر فرد جرم عائد نہ ہو سکی۔اینٹی کرپشن عدالت میں ڈیوٹی جج نے پنجاب اسمبلی میں مبینہ جعلی بھرتیوں کے کیس پر سماعت کی۔

(جاری ہے)

دوران سماعت سابق وزیراعلی پرویز الٰہی کی جانب سے حاضری معافی کی درخواست دائر کر دی گئیدرخواست میں موقف اختیار کیا گیا کہ پرویز الٰہی کی کمر میں تکلیف ہے جس کے باعث وہ عدالت پیش نہیں ہو سکتے۔

عدالت سے استدعا کی گئی کہ پرویز الٰہی کی ایک روزہ حاضری معافی کی درخواست منظور کی جائے۔مقدمے میں نامزد دیگر ملزمان نے عدالت میں پیش ہو کر حاضری مکمل کرائی، دوران سماعت پرویز الٰہی اور شریک ملزمان پر فردِ جرم عائد نہ ہو سکی۔ عدالت نے کیس کی سماعت 30اپریل تک ملتوی کر دی۔عدالت نے پرویز الٰہی کی بریت کی درخواست پر دلائل طلب کر رکھے ہیں۔ مقدمے میں نامزد دیگر ملزمان نے عدالت میں پیش ہو کر حاضری مکمل کروائی۔