بیٹی کوجو پروفیشن اچھا لگے اسے اپنائے ہر فیصلے پر سپورٹ کریں گے، کاجول

اجے دیوگن اور کاجول کی بیٹی نیسا دیوگن کی فلم انڈسٹری میں ڈیبیو کی خبریں زیر گردش ہیں

بدھ 9 اپریل 2025 20:10

بیٹی کوجو پروفیشن اچھا لگے اسے اپنائے ہر فیصلے پر سپورٹ کریں گے، کاجول

ممبئی (اُردو پوائنٹ اخبارتازہ ترین - آن لائن۔ 09 اپریل2025ء) بھارتی فلم انڈسٹری میں چند خاندانوں پر اپنے ہی بیٹی بیٹوں کو لانچ کرنے پر نیپوٹزم یعنی اقربا پروری کے الزامات لگتے رہے ہیں۔نیپوٹزم کے حوالے سے بھارتی میڈیا تقسیم نظر آتا ہے کچھ اداکار اس کے حامی ہیں جب کہ کچھ شدید مخالفت کرتے ہیں۔اجے دیوگن اور کاجول کی جوڑی نہ صرف فلموں میں مقبول رہی بلکہ ازدواجی زندگی بھی شاندار طریقے سے جاری ہے۔

جوڑی کی ایک بیٹی نیسا دیوگن نہایت جاذب نظر اور خوبصورت ہیں۔

(جاری ہے)

ان کا لک کسی ماڈل اور اداکارہ کی طرح ہے۔جس کے باعث سب ہی اس بات کے منتظر ہیں کہ اجے دیوگن اور کاجول کب اپنی بیٹی کو بطور اداکارہ لانچ کرتے ہیں۔ان افواہوں کی گردش میں بالآخر ایک انٹرویو میں اداکارہ کاجول نے نیسا دیوگن کے فلم ڈیبیو پر خاموشی توڑ دی۔میڈیا سے گفتگو میں کاجول نے بتایا کہ ہم اپنی بیٹی کو اس کے ہر فیصلے پر پوری طرح سپورٹ کریں گے، اسے حق ہے جو پروفیشن اچھا لگے اسے اپنائے۔کاجول نے مزید کہا کہ بیٹی نیسا دیوگن 20 سال کی ہوگئی ہے اور اس نے ذہن بنالیا ہے کہ فی الحال اداکاری نہیں کرنی۔