سنسنی اورتھرلرسے بھرپوراجے دیوگن کی فلم ریڈ 2 یکم مئی کو سینما گھروں کی زینت بنے گی

بدھ 9 اپریل 2025 20:48

ممبئی (اُردو پوائنٹ اخبارتازہ ترین - آن لائن۔ 09 اپریل2025ء) بالی ووڈ کے سنگھم اجے دیوگن کی فلم ریڈ 2 کا دھماکہ خیز ٹریلر جاری کردیا گیا ہے۔ یہ فلم 2018 میں ریلیز اور بلاک بسٹر ثابت ہونے والی فلم ریڈ کا سیکوئل ہے جس میں رتیش دیشمکھ بطور وِلن ایک کرپٹ سیاستدان کا مضبوط کردار ادا کرتے نظر آرہے ہیں۔

(جاری ہے)

یہ فلم ماضی کی مقبول ایکشن تھرلر درشیام، شیطان اور انیمل کے میکرز بھشن کمار اور کرشن کمار کی جانب سے پروڈیوس کی گئی ہے جس کی ہدایتکاری راج کمار گپتا نے کی ہے جو اس فلم کے پچھلے حصے کی ہدایتکاری بھی کرچکے ہیں۔

اجے دیوگن فلم میں انکم ٹیکس آفیسر امے پٹنائک کا کردار نبھائیں گے جو کرپشن اور کرپٹ حکمرانوں کیخلاف آپریشن کرتا ہے اور ان کی چھپائی ہوئی دولت کا راز فاش کر کے اسے قبضے میں لیتا ہے۔فلم میں وانی کپور امے پٹنائک کی بیوی کا کردار ادا کر رہی ہیں جبکہ دیگر کاسٹ میں سوربھ شکلا، سورپیا پاٹھک، اور رجت کپور شامل ہیں۔ سنسنی اور تھرلر سے بھرپور یہ فلم 1 مئی 2025 کو سنیما گھروں کی زینت بنے گی جس کا شائقین کو بیصبری سے انتظار ہے۔