وزیر اعلیٰ بلوچستان کی سابق وزیر اعلیٰ نواب محمد اسلم خان رئیسانی سے ملاقات

بدھ 9 اپریل 2025 23:00

کوئٹہ (اُردو پوائنٹ اخبارتازہ ترین - اے پی پی۔ 09 اپریل2025ء) وزیر اعلیٰ بلوچستان میر سرفراز بگٹی نے بدھ کو یہاں کراچی میں سابق وزیر اعلیٰ بلوچستان نواب محمد اسلم خان رئیسانی سے ملاقات کی ،ملاقات کے دوران بلوچستان کی مجموعی صورتحال اور باہمی دلچسپی کے امور پر تفصیلی تبادلہ خیال کیا گیا ۔

(جاری ہے)

وزیر اعلیٰ بلوچستان نے نواب اسلم رئیسانی کے فرزند نوابزادہ یادگار رئیسانی کی عیادت بھی کی ،انہوں نے نوابزادہ یادگار رئیسانی کی جلد صحتیابی کے لیے نیک تمناؤں کا اظہار کرتے ہوئے دعا کی کہ اللہ تعالیٰ انہیں مکمل شفایابی عطا فرمائے۔ اس موقع پر آغا شکیل درانی، ظفر گچکی اور ترجمان حکومت بلوچستان شاہدرند بھی موجود تھے۔