ٹوبہ ٹیک سنگھ،موٹروے ایم فور پر گوجرہ کے نزدیک مسافربس آگ لگنے سے جل کر راکھ ہو گئی

جمعرات 10 اپریل 2025 11:42

ٹوبہ ٹیک سنگھ (اُردو پوائنٹ اخبارتازہ ترین - اے پی پی۔ 10 اپریل2025ء) موٹروے ایم فور پر گوجرہ کے نزدیک مسافر بس آگ لگنے سے جل کر راکھ ہو گئی۔موٹروے ترجمان کے مطابق ایک اے سی بس جس میں 45 لوگ سوار تھے جو کہ ڈیرہ غازی خان سے اسلام آباد جارہی تھی۔

(جاری ہے)

ایک مزدا جوکہ زرعی ادویات لے کر جارہا تھا ان دونوں کا آپس میں تصادم ہونے کی وجہ سے بس میں آگ لگ گئی۔جس کی وجہ سے بس کا ڈرایئور آگ سے جھلس جانے کی وجہ سے موقع پر ہی جاں بحق ہوگیا۔جبکہ بس کے باقی تمام مسافر بحفاظت اتر گئے تھے جن میں سات لوگوں کو معمولی چوٹیں آئیں۔ جن کو موقع پر ابتدائی طبی امداد دی گئی اور ڈیڈ باڈی کو ٹی ایچ کیو ہسپتال گوجرہ شفٹ کر دیا گیا۔ \378