ڈی پی او کوہستان لوئر کا ہفتہ وار اردلی روم ،مسائل کے حل کے لئے احکامات جاری کئے

جمعرات 10 اپریل 2025 14:02

پٹن (اُردو پوائنٹ اخبارتازہ ترین - اے پی پی۔ 10 اپریل2025ء) ڈسٹرکٹ پولیس آفیسر (ڈی پی او)کوہستان لوئر تیمور خان نے اپنے دفتر میں ہفتہ وار اردلی روم کا انعقاد کیا اور پولیس افسران اور اہلکاروں کے مسائل سنے۔

(جاری ہے)

کوہستان لوئر پولیس کے مطابق اس موقع پر مختلف تھانہ جات اور چوکیوں میں تعینات پولیس افسران اور اہلکاروں نے ڈی پی او کو اپنے مسائل سے آگاہ کیا،جس پر ڈی پی او نے پولیس جوانوں کے تقرری، تبادلوں، بیماری اور گھریلو مسائل کے حوالے سے احکامات جاری کئے۔ انہوں نے پولیس اہلکاروں کو یقین دلایا کہ ان کے مسائل ترجیحی بنیادوں پر حل کئے جائیں گے۔ ڈی پی او نے پولیس اہلکاروں کی فلاح و بہبود، میرٹ اور شفافیت کو اولین ترجیح قرار دیا۔