Live Updates

ماہرہ خان پشاور زلمی کی ایمبیسیڈر مقرر، خصوصی شارٹ فلم بھی جاری

جمعرات 10 اپریل 2025 20:39

اسلام آباد (اُردو پوائنٹ اخبارتازہ ترین - این این آئی۔ 10 اپریل2025ء)پاکستان سپر لیگ (پی ایس ایل) کی فرنچائز پشاو زلمی نے عالمی شہرت یافتہ پاکستانی اداکارہ ماہرہ خان کو ایمبیسیڈر مقرر کر لیا۔خصوصی شارٹ فلم ’زلمی ایکس لگیسی‘ اور 2 اینتھم ’دی جرنی ہوم‘ اور ’دی ڈسٹ وار‘ بھی جاری کر دیے۔ویڈیو شییرنگ پلیٹ فارم یوٹیوب پر 8 منٹ 20 سیکنڈز کی خصوصی شارٹ فلم میں ماہرہ خان کے ساتھ بابر اعظم اور صائم ایوب بھی دکھائی دے رہے ہیں۔

(جاری ہے)

اس خصوصی شارٹ فلم میں پشاور زلمی کے 2 انتھم بھی شامل ہیں، جن میں پہلیکا ٹائٹل ’دی جرنی ہوم‘ ہے، اسے آئمہ بیگ، بلال آواز اور واجد لائق کی آواز میں ریکارڈ کیا گیا ہے۔پشاور زلمی کا دوسرا انتھم ’دی ڈسٹ وار‘ التمش سیور، مصطفیٰ زاہد اور مصطفیٰ کمال خان نے گایا ہے جبکہ دونوں انتھم کاشان داوڑ کی پیشکش ہیں۔پشاور زلمی کے مطابق یہ شارٹ فلم پشاور زلمی کے پی ایس ایل میں 10 سالہ سفر، بے مثال میراث اور یلو اسٹورم کے غیر متزلزل جذبے کو خراجِ تحسین پیش کر رہی ہے۔واضح رہے کہ پاکستان سپر لیگ (پی ایس ایل) 10 کا اٰغاز یعنی 11 اپریل سے ہو رہا ہے۔