سی سی پی او بلال صدیق کمیانہ کی زیر صدارت کیپٹل سٹی پولیس ہیڈ کوارٹرز میں اہم اجلاس

جمعہ 11 اپریل 2025 19:18

لاہور (اُردو پوائنٹ اخبارتازہ ترین - این این آئی۔ 11 اپریل2025ء) سی سی پی او بلال صدیق کمیانہ کی زیرِصدارت کیپٹل سٹی پولیس ہیڈ کوارٹرز میں اہم اجلاس منعقد ہوا۔ اجلاس کو غیر قانونی افغان باشندوں کے انخلا ء کے حوالے سے پیش رفت پر بریفنگ دی گئی۔اجلاس کو بتایا گیا کہ غیر قانونی باشندوں کو متعلقہ ہولڈنگ سنٹرز پہنچایا جا رہا ہے۔

(جاری ہے)

سی سی پی او لاہور نے اجلاس سے خطاب کرتے ہوئے غیر قانونی طور پر مقیم افغان باشندوں کے انخلاء کے عمل کو تیز کرنے کی ہدایات جاری کرتے ہوئے کہا کہ ڈویژنل ایس پیز غیر قانونی افغان باشندوں کے انخلاء کے عمل کی نگرانی کریں۔

بلال صدیق کمیانہ نے کہا کہ متعلقہ اداروں سے کوارڈینیشن اور انٹیلی جنس بیسڈ انفارمیشن شیئرنگ سے غیر قانونی افغان باشندوں کی نشاندہی کی جا رہی ہے۔اجلاس میں ڈی آئی جی(آپریشنز)فیصل کامران، ایس ایس پی (آپریشنز) تصور اقبال اور ڈویژنل ایس پیز نے شرکت کی۔